აშშ-ის პრეზიდენტმა დონალდ ტრამპმა, რომელიც ტელეკომპანია „Fox“-ის ჟურნალისტს ტრეი ინგსტს ესაუბრებოდა, აღნიშნა, რომ თუ ირანი მოთხოვნებს არ დააკმაყოფილებს, დროის საკითხია, გახდება თუ არა საჭირო ქვეყნის „ჰაერში აფეთქება“.
დონალდ ტრამპმა განაცხადა, რომ შესაძლო ვარიანტებს შორის არის ირანის სრული განადგურება, მისი ეკონომიკური კოლაფსისთვის მიტოვება ან შეთანხმების დადება.
ეს განცხადებები მოჰყვა თეირანის ხელისუფლების გაფრთხილებას იმის შესახებ, რომ „იმ შემთხვევაში, თუ აშშ ან ახლო აღმოსავლეთის რომელიმე ქვეყანა შეცდომას დაუშვებს, მათ მძიმე დარტყმებს მიაყენებენ“.
იმავდროულად, აშშ-ის სახელმწიფო დეპარტამენტმა რეგიონში მყოფი ამერიკელებისთვის უსაფრთხოების შესახებ გაფრთხილება გაავრცელა.
თავის მხრივ, ირანის რევოლუციის გუშაგთა კორპუსის სპიკერმა ჰუსეინ მუჰიბიმ აშშ-ის მხრიდან ქვეყანაზე შესაძლო ახალი თავდასხმის შესახებ განაცხადა: „თუ ახალი თავდასხმა მოხდება, ჩვენი თავდაცვა და შეტევის სტრატეგია არსებითად შეიცვლება. ახალი თავდასხმის შემთხვევაში, ჩვენ შევცვლით იარაღისა და ომის გეოგრაფიას“.
მუჰიბიმ სატელევიზიო გადაცემაში მიმდინარე საკითხებზე საუბრისას, აშშ-სა და ისრაელის მიერ ირანზე შესაძლო ახალი თავდასხმის ალბათობა შეაფასა და აღნიშნა:
„თუ ახალი თავდასხმა მოხდება, ჩვენი თავდაცვა და შეტევის მეთოდები არსებითად შეიცვლება. ახალი თავდასხმის შემთხვევაში, ჩვენ შევცვლით იარაღისა და ომის გეოგრაფიას. ჩვენ ბრძოლის ველზე გამოვიყვანთ ახალი შესაძლებლობებით აღჭურვილ ახალ იარაღს და მსოფლიო გაოცებული დარჩება. ჩვენი სამიზნეები აღარ იქნება ის, რაც მანამდე იყო. ჩვენ უკვე განსაზღვრული გვაქვს ახალი მიზნები, რომლებიც აქამდე არ დაგვიბომბავს“.
