საბერძნეთის კუნძულ გავდოსის სანაპიროსთან არალეგალი მიგრანტების გადამყვანი ნავის ჩაძირვის შედეგად 1 ადამიანი დაიღუპა, 25 კი დაიკარგა.

ბერძნულ მედიაში გავრცელებული ინფორმაციის თანახმად, ნავი, რომელსაც 77 არალეგალი მიგრანტი გადაჰყავდა, კუნძულ კრეტის სამხრეთით, კუნძულ გავდოსის სანაპიროსთან ჩაიძირა.

ნავის ჩაძირვის შედეგად დაღუპული ერთი ადამიანის ცხედარი ნაპოვნია.

უბედური შემთხვევის შედეგად 25 ადამიანი დაიკარგა, 51 კი გადაარჩინეს.