იემენელმა ჰუსიტებმა განაცხადეს, რომ საუდის არაბეთის კუთვნილი F-15 ტიპის მოიერიშე თვითმფრინავი ჩამოაგდეს.

ჰუსიტების სამხედრო სპიკერმა იაჰია სარიმ სოციალურ ქსელ X-ზე გამოქვეყნებულ განცხადებაში აღნიშნა, რომ საუდის არაბეთის F-15 ტიპის თვითმფრინავი მარიბის პროვინციის თავზე, ადგილობრივი წარმოების „მიწა-ჰაერი“ ტიპის რაკეტით ჩამოაგდეს.

სარიმ ასევე განაცხადა, რომ ჩამოგდებული თვითმფრინავის ნამსხვრევების მოსაძებნად მისულ სხვა F-15 და „ტაიფუნის“ ტიპის მოიერიშე თვითმფრინავებსაც ესროლეს ადგილობრივი წარმოების რაკეტები, რის გამოც ისინი იძულებულნი გახდნენ, ტერიტორია დაეტოვებინათ.

სარის თქმით, გასული ერთი კვირის განმავლობაში იემენის თაიზის, ლაჰიჯის, ალ-ჯაუფის, ჰაჯას, მარიბის, საადასა და ალ-ბაიდას პროვინციებზე საუდის არაბეთის მხრიდან F-15 და „ტაიფუნის“ ტიპის თვითმფრინავებით 450-ზე მეტი საჰაერო იერიში მიიტანეს. მან დასძინა, რომ იემენის საჰაერო სივრცე ნებისმიერი სახის დარღვევისა და თავდასხმისთვის ჩაკეტილი იქნება.

ჰუსიტების განცხადება მექასთან დაკავშირებით

მეორე მხრივ, სარიმ უარყო ბრალდებები იმის შესახებ, თითქოს მათი სამიზნე მექა იყო.

მან აღნიშნა, რომ საუდის არაბეთის წინააღმდეგ თავდასხმებისას მიზანში მხოლოდ ნავთობობიექტები და სამხედრო ბაზები ჰყავთ და ხაზი გაუსვა, რომ ისინი იცავენ სტრატეგიას, რომელიც წმინდა ადგილებისგან სრულ დისტანცირებას გულისხმობს.