ირანის რევოლუციის გუშაგთა კორპუსმა განაცხადა, რომ ჰორმუზის სრუტის დასავლეთით, საჰაერო სივრცეში, აშშ-ის წარმოების MQ-1 ტიპის უპილოტო საფრენი აპარატი ჩამოაგდო.
ირანის ოფიციალურმა საინფორმაციო სააგენტო IRNA-მ რევოლუციის გუშაგთა კორპუსის მიერ გავრცელებული წერილობითი განცხადება გამოაქვეყნა.
განცხადებაში აღნიშნულია, რომ ჰორმუზის სრუტის დასავლეთით, საჰაერო სივრცეში MQ-1 ტიპის უპილოტო საფრენი აპარატი ირანის საჰაერო თავდაცვის სისტემამ აღმოაჩინა და ჩამოაგდო.
რევოლუციის გუშაგთა კორპუსმა გუშინ დილითაც განაცხადა, რომ ჰორმუზის სრუტის თავზე იმავე ტიპის უპილოტო საფრენი აპარატი ჩამოაგდო.
აშშ-ის მიერ 1990-იან წლებში წარმოებული MQ-1 ტიპის უპილოტო საფრენი აპარატი თავდაპირველად დაკვირვებისა და შორეული დაზვერვის მიზნით იყო შექმნილი. მოგვიანებით ამ უპილოტო აპარატებზე ახალი კამერები და რაკეტები დაამონტაჟეს.
