აშშ-ის პრეზიდენტმა დონალდ ტრამპმა განაცხადა, რომ ირანთან მოლაპარაკებებს არ აწარმოებენ და „ასე თუ ისე, მალე რაღაც მოხდება“.

დონალდ ტრამპმა სამხრეთ კაროლინაში გამართულ საარჩევნო მიტინგში მონაწილეობის შემდეგ, შტატიდან გამგზავრებამდე, აეროპორტში მედიის წარმომადგენელთა კითხვებს უპასუხა.

კითხვაზე, აწარმოებენ თუ არა მოლაპარაკებებს ირანთან, ტრამპმა თქვა: „არ მგონია, რომ ირანთან მოლაპარაკებებს ვაწარმოებთ. ასე თუ ისე, მალე რაღაც მოხდება. ბევრი ფიქრობს, რომ ეს არჩევნების შემდეგ მოხდება; ვნახოთ, რა მოხდება“.

შტატში 3 ნოემბრის კონგრესის შუალედური არჩევნების გამო გამართულ მიტინგზე გამოსვლისას კი ტრამპმა აღნიშნა, რომ ირანთან დაძაბულობა მალე დასრულდება: „ახლა შეგვიძლია (რეგიონი) დავტოვოთ, თუმცა გვსურს, რომ (დარტყმების) ეფექტი დიდხანს შენარჩუნდეს“.