კოლუმბიის სამხრეთ-დასავლეთ ნაწილში, ოქროს უკანონო მოპოვების მაღაროში მომხდარი ჩამოშლის შედეგად, ბოლო მონაცემებით 14 ადამიანი დაიღუპა, 7 კი დაშავდა.

ეროვნული მედიის ცნობით, ჩამოშლა ნარინიოს ადმინისტრაციულ რეგიონში, ელ-ჩამბეროსა და ბელავისტას დასახლებებს შორის მდებარე მაღაროში მოხდა.

გავრცელებული ინფორმაციით, მაშველებმა 14 ადამიანის ცხედარი იპოვეს, ხოლო 7 დაშავებულის მკურნალობა უკვე დაიწყო.

არსებობს შიში, რომ დაღუპულთა რაოდენობა გაიზრდება. მაღაროში შესაძლოა კვლავ იმყოფებოდნენ მოყოლილი მეშახტეები, ხოლო სამძებრო-სამაშველო სამუშაოები გრძელდება.

აგვისტოში, იმავე რეგიონში მომხდარ მსგავს სამთო-სამაშველო შემთხვევას 13 ადამიანი ემსხვერპლა.