თურქეთის საგარეო საქმეთა მინისტრმა ჰაქან ფიდანმა სამშაბათს გაკეთებულ განცხადებაში აღნიშნა, რომ ჰორმუზის სრუტე არ უნდა იქნას გამოყენებული „იარაღად“ და ხაზგასმით აღნიშნა, რომ ნებისმიერი შეფერხება ამ სტრატეგიულ მონაკვეთზე საფრთხის შემცველია როგორც რეგიონული სტაბილურობისთვის, ისე მსოფლიო ეკონომიკისთვის.

დოჰაში კატარის პრემიერ-მინისტრთან და საგარეო საქმეთა მინისტრთან, მუჰამედ ბინ აბდურაჰმან ალ-თანისთან გამართულ ერთობლივ პრესკონფერენციაზე ფიდანმა განაცხადა: „სპარსეთის ყურეში მიმდინარე დაძაბულობამ ღაზას საკითხი არ უნდა დაგვავიწყოს“.

ფიდანმა ასევე დასძინა, რომ ისრაელის ექსპანსიონისტური პოლიტიკა კვლავ დიდ საფრთხედ რჩება რეგიონული „სტაბილურობისა და უსაფრთხოებისთვის“.

თავის მხრივ, ალ-თანიმ აღნიშნა, რომ კატარი და თურქეთი მხარს უჭერენ პაკისტანის საშუამავლო მცდელობებს, რომლებიც მიზნად ისახავს აშშ-ისა და ისრაელის მიერ ირანის წინააღმდეგ 28 თებერვლიდან წარმოებული ომის დასრულებასა და ჰორმუზის სრუტის ხელახლა გახსნას. მან ხაზი გაუსვა სტაბილურობის აღდგენისა და სტრატეგიულ გასასვლელში ნავიგაციის თავისუფლების უზრუნველყოფის აუცილებლობას.

„კატარი და თურქეთი მხარს უჭერენ პაკისტანის საშუამავლო მცდელობებს (ირანის წინააღმდეგ) ომის დასასრულებლად და ჰორმუზის სრუტის ხელახლა გასახსნელად“, - განაცხადა ალ-თანიმ.

ყატარის საგარეო საქმეთა მინისტრმა ასევე დასძინა, რომ თეირანმა ეს საწყალოსნო გზა ყურის ქვეყნების წინააღმდეგ „ზეწოლის ან შანტაჟის“ ინსტრუმენტად არ უნდა გამოიყენოს.

ღაზას საკითხთან დაკავშირებით კი ალ-თანიმ ისრაელი ცეცხლის შეწყვეტის შეთანხმების მუდმივ დარღვევასა და რეგიონში „ჰუმანიტარული დახმარების იარაღად გამოყენებაში“ დაადანაშაულა.