თეთრმა სახლმა ორშაბათს საღამოს ონლაინ მაუწყებლობის არხი „Trump TV“ გახსნა. გავრცელებული ინფორმაციით, არხი „გამორჩეულ ვიდეოებს, მნიშვნელოვან განცხადებებსა და იმ მომენტებს, რომლებიც არ უნდა გამოგრჩეთ, მუდმივი განახლებებით 24/7 რეჟიმში“ გადასცემს.
მაუწყებლობის დაწყებისას არხი 3 ივლისს რაშმორის მთაზე ტრამპის მიერ წარმოთქმული სიტყვის საარქივო კადრებს აჩვენებდა.
აშშ-ის მსხვილმა სატელევიზიო ქსელებმა — NBC-მ, ABC-მ, CBS-მა და Fox News-მა, CNN-ს, Politico-ს და MS Now-ს — საპრეზიდენტო ბრიფინგებიდან ჩამოშორების პროტესტის ნიშნად გუშინ თეთრი სახლიდან სატელევიზიო ტრანსლაციების შეჩერების გადაწყვეტილება მიიღეს.
ამ სამმა მედიაორგანიზაციამ თეთრ სახლში წვდომის აღდგენის მიზნით გუშინ ვაშინგტონის ფედერალურ სააპელაციო სასამართლოში სარჩელიც შეიტანა.
შაბათს თეთრი სახლის უსაფრთხოების სამსახურმა, აშშ-ის პრეზიდენტ დონალდ ტრამპის განკარგულებით, აღნიშნული სამი მედიასაშუალების ჟურნალისტებს შესვლა აუკრძალა.
აშშ-ის პრეზიდენტმა დონალდ ტრამპმა თავისი გადაწყვეტილება საკუთარ პლატფორმაზე გამოქვეყნებული პოსტით გააჟღერა და აღნიშნა, რომ ეს მედიასაშუალებები „მუდმივი ცრუ ინფორმაციის გავრცელების შედეგად“ გაირიყნენ.
აშშ-ის პრეზიდენტმა დონალდ ტრამპმა განცხადებაში აღნიშნა, რომ პრეზიდენტის, მთავრობისა და აშშ-ის შესახებ მუდმივი უსაფუძვლო ბრალდებებისა და სიცრუის გავრცელება მიუღებელია.
