პრეზიდენტი რეჯეფ თაიფ ერდოღანი აშშ-ის პრეზიდენტ დონალდ ტრამპს ტელეფონით ესაუბრა.
პრეზიდენტის ადმინისტრაციის კომუნიკაციების დეპარტამენტის განცხადებით, ერდოღან-ტრამპის საუბრისას განხილული იქნა თურქეთ-აშშ-ის ურთიერთობები, ასევე რეგიონული და გლობალური საკითხები.
პრეზიდენტმა ერდოღანმა აღნიშნა, რომ ირანსა და აშშ-ს შორის არსებულ დაძაბულობაში დიპლომატიის მაქსიმალურად გამოყენება მნიშვნელოვანია, გამოთქვა მოლაპარაკებების გაგრძელების იმედი და განაცხადა, რომ თურქეთი კვლავაც გააგრძელებს სამშვიდობო ძალისხმევის მხარდაჭერას.
საუბრისას ერდოღანმა განაცხადა, რომ პაკისტანთან და საუდის არაბეთთან ერთად (გასულ კვირას) ხელმოწერილი ერთობლივი თავდაცვის შეთანხმებით, რეგიონული სტაბილურობისა და უსაფრთხოების უზრუნველსაყოფად მტკიცე პოზიცია გამოავლინეს.
პრეზიდენტმა ერდოღანმა ასევე აღნიშნა, რომ იმ პერიოდში, როდესაც ღაზის სამშვიდობო პროცესის მეორე ეტაპზე გადასვლა იგეგმება, გაიზარდა ისრაელის ხელისუფლების ქმედებები, რომლებიც მიმართულია პალესტინელების წინააღმდეგ, და ხაზგასმით აღნიშნა, რომ თურქეთი კვლავ გააგრძელებს რეგიონში მუდმივი მშვიდობის დამყარებისა და ღაზის აღდგენისთვის გადადგმული ნაბიჯების მხარდაჭერას.
