გავრცელებული ინფორმაციით, რუსეთის პრეზიდენტი პუტინი კურილის კუნძულებზე ჩავიდა.
რუსეთის პრეზიდენტის ადმინისტრაციის, კრემლის მიერ გავრცელებული განცხადების თანახმად, პუტინი კურილის კუნძულთა არქიპელაგის შემადგენელ კუნძულ იტურუპზე ჩავიდა.
პუტინმა დაათვალიერა ადგილობრივი თევზგადამამუშავებელი ქარხანა, კურილის ცენტრალური რაიონული საავადმყოფო და სკოლა.
ვიზიტისას პუტინს თან ახლდა სახალინის ოლქის გუბერნატორი ვალერი ლიმარენკო.
ᲠᲔᲙᲝᲛᲔᲜᲓᲔᲑᲣᲚᲘ
აღინიშნა, რომ ეს პუტინის პირველი ვიზიტია კურილის კუნძულებზე.
კუნძული იტურუპი, რომელიც რუსეთის სახალინის ოლქს ეკუთვნის, კურილის კუნძულების სამხრეთით მდებარეობს.
კურილის კუნძულები, რომლებიც მეორე მსოფლიო ომის დასრულებამდე იაპონიის მფლობელობაში იყო, 1945 წელს ყოფილი საბჭოთა კავშირის კონტროლქვეშ გადავიდა.
