იწყება რეგისტრაცია თურქული ენის ცოდნის გამოცდის (TYS) ახალი სესიისთვის, რომელსაც იუნუს ემრეს ინსტიტუტი ატარებს იმ პირთა ენობრივი დონის შესაფასებლად, რომლებიც თურქულს, როგორც უცხოურ ან მეორე ენას, სწავლობენ. TYS, რომელიც ფლობს ენის შემმოწმებელთა ევროპული ასოციაციის (ALTE) მიერ დამტკიცებულ Q-mark ხარისხის ნიშანს, არის თურქული ენის პირველი და ერთადერთი საერთაშორისოდ აღიარებული გამოცდა.
გამოცდა, რომელიც ენის ოთხ ძირითად უნარ-ჩვევას (კითხვა, მოსმენა, წერა და საუბარი) აფასებს, სამი სესიისგან შედგება და ჯამში 180 წუთს გრძელდება. წარმატებული კანდიდატები მიიღებენ თურქული ენის ცოდნის სერტიფიკატს B2 და C1 დონეებზე. ეს დოკუმენტი სტუდენტებს თურქეთის უნივერსიტეტებში თურქული ენის მოსამზადებელი კურსისგან ათავისუფლებს, ასევე მნიშვნელოვან უპირატესობებს იძლევა აკადემიური კარიერის, დასაქმების, გიდობისა და თარგმანის სფეროებში.
გამოცდაზე, რომელიც თურქეთთან ერთად ერთდროულად ჩატარდება ყველა იმ ქვეყანაში, სადაც იუნუს ემრეს ინსტიტუტები ფუნქციონირებს, რეგისტრაცია 2026 წლის 3-დან 28 აგვისტომდე იწარმოებს. თავად გამოცდა კი 2026 წლის 27 სექტემბერს ჩატარდება.
გამოცდაზე გასვლის მსურველებს რეგისტრაციის გავლა ვებგვერდზე www.sinav.yee.org.tr შეეძლებათ. გამოცდის შინაარსის, სახელმძღვანელოებისა და დეტალური ინფორმაციის ნახვა შესაძლებელია ოფიციალურ ინტერნეტ მისამართზე: www.tys.yee.org.tr.
