ომის დასრულებისკენ მიმართულ ძალისხმევაზე საუბრისას ზელენსკიმ აღნიშნა, რომ უკრაინელი მომლაპარაკებლები ხვალ აშშ-ში იქნებიან.
ზელენსკიმ განაცხადა, რომ მის ქვეყანას უკრაინის პრეზიდენტის ოფისის ხელმძღვანელი კირილო ბუდანოვი, პრეზიდენტის ოფისის ხელმძღვანელის მოადგილე სერგი კისლიცა, საგარეო დაზვერვის სამსახურის უფროსი რუსტემ უმეროვი და დეპუტატი დავით არახამია წარმოადგენენ.
ზელენსკიმ აღნიშნა, რომ ისინი მოლაპარაკებებში ევროპელი ოფიციალური პირების ჩართულობასაც ელიან. მისი თქმით, აშშ-ში მოლაპარაკებები შესაძლოა ორ დღეს გაგრძელდეს: „ბოლო დღეებში ამერიკულ მხარესთან სამჯერ მქონდა საუბარი“, — განაცხადა მან.
ზელენსკიმ ასევე აღნიშნა, რომ უკრაინა საზღვაო და ენერგეტიკულ ინფრასტრუქტურაზე ცეცხლის შეწყვეტის წინადადებაზე მუშაობს.
ზელენსკიმ ყურადღება გაამახვილა იმაზე, რომ რუსეთის არმიის მიერ ბოლო დღეებში განხორციელებული თავდასხმების შედეგად მრავალი მშვიდობიანი მოქალაქე, მათ შორის ბავშვები დაიღუპნენ, და განაცხადა, რომ უკრაინის სამიზნე რუსეთში ბავშვები არასდროს ყოფილა და ამას კატეგორიულად არც მომავალში გააკეთებს.
„მაგრამ უფროსები მალე ახალ პასუხს მიიღებენ. დეტალებს ვერ გავამჟღავნებ“, — თქვა ზელენსკიმ.
რუსულ ტექნოლოგიურ კომპანია Yandex-ის რიაზანის ოლქში მდებარე მონაცემთა ცენტრზე თავდასხმაზე საუბრისას, ზელენსკიმ აღნიშნა:
„ჩვენ ყოველთვის ანალოგიურად ვპასუხობთ. რაც შეეხება მონაცემთა ცენტრებს, ყველამ იცით, რომ მათ (რუსეთმა) ჩვენს მონაცემთა ცენტრებზე მიიტანეს იერიში და თავდასხმებს აგრძელებენ. ჩვენც საპასუხო დარტყმა განვახორციელეთ“.
