თურქეთის საგარეო საქმეთა სამინისტროს მიერ გავრცელებულ წერილობით განცხადებაში ხაზგასმულია, რომ ისრაელის გაფართოების პოლიტიკა რეგიონში დაძაბულობას ესკალაციას უწევს, და საერთაშორისო თანამეგობრობას მოქმედებისკენ მოუწოდა.
განცხადებაში ყურადღება გამახვილდა იმაზე, რომ ისრაელის აღნიშნული სამუშაოები 1974 წლის „ძალთა გამიჯვნის შეთანხმებას“ არღვევს და ნათქვამია:
„ჩვენ უმკაცრესად ვგმობთ ისრაელის მიერ სირიის ალ-კუნეიტრას მუჰაფაზაში, ე.წ. „სუფა 53-ის ხაზზე“ სამუშაოების განახლებას, რითაც ის არღვევს 1974 წლის „ძალთა გამიჯვნის შეთანხმებას“, ასევე მის საქმიანობას, რომელიც მიმართულია სირიაში ახალი რეალობის ხელოვნურად შექმნისკენ.
მოვუწოდებთ საერთაშორისო თანამეგობრობას, დაუყოვნებლივ გადადგას ეფექტური და გადამწყვეტი ნაბიჯები, რათა ისრაელმა შეწყვიტოს რეგიონში დაძაბულობის ესკალაციის გამომწვევი გაფართოების პოლიტიკა და გავიდეს ოკუპირებული სირიული ტერიტორიებიდან. თურქეთი მტკიცედ გააგრძელებს სირიის სუვერენიტეტის, პოლიტიკური ერთიანობისა და ტერიტორიული მთლიანობის მხარდაჭერას და რეგიონის ქვეყნებთან ერთად განაგრძობს ამ მიმართულებით აუცილებელი ნაბიჯების გადადგმას“.
