პალესტინის „კედლისა და დასახლებების წინააღმდეგობის კომისიის“ განცხადებით, სამწლიან პერიოდში გენოციდური ისრაელის სამხედროების მხრიდან 48 174, ხოლო ისრაელელი მიმტაცებლების მხრიდან 14 742 თავდასხმა დაფიქსირდა.

აღნიშნული თავდასხმები ყველაზე ინტენსიური იყო შემდეგ ქალაქებში: ალ-ხალილი (10 840 თავდასხმა), რამალა-ალ-ბირე (10 594 თავდასხმა), ნაბლუსი (10 261 თავდასხმა) და იერუსალიმი (7 315 თავდასხმა).

2023 წლის 7 ოქტომბრის შემდეგ, ისრაელელი მიმტაცებლების თავდასხმებს 66 პალესტინელის სიცოცხლე ემსხვერპლა.

ამ პერიოდში ისრაელელმა მიმტაცებლებმა პალესტინელების მიწები და ქონება 1 182-ჯერ გადაწვეს, ამოძირკვეს ან გაანადგურეს 147 111 ხე (მათ შორის დაახლოებით 100 ათასი ზეთისხილის ხე), განახორციელეს 376 თავდასხმა სოფლებსა და ბედუინთა თემებზე და მეცხოველეობაზე დაფუძნებული 211 ახალი უკანონო დასახლება ააშენეს.

ისრაელის სამხედროებმა, თავის მხრივ, დაანგრიეს 5 059 შენობა და ნაგებობა, მათ შორის 1 894 საცხოვრებელი სახლი; ყველაზე მეტი, 1 244 ნგრევა, იერუსალიმში დაფიქსირდა. გარდა ამისა, 2 133 შენობისთვის გაცემული იქნა დანგრევის ან მშენებლობის შეჩერების ბრძანება.

ამავე პერიოდში, ისრაელის ხელისუფლებამ სამხედრო კონფისკაციის ბრძანებებითა და „სახელმწიფო მიწად“ გამოცხადებით, 64,2 ათასი ჰექტარი პალესტინური მიწა მიისაკუთრა. ეს მაჩვენებელი ბოლო 30 წლის განმავლობაში ყველაზე მაღალია.

მიუხედავად იმისა, რომ დასავლეთ სანაპიროსა და იერუსალიმში ათობით ათასი საცხოვრებელი სახლისთვის 415 დასახლების გეგმა მომზადდა, ისრაელის ხელისუფლებამ 97 ტენდერი გამოაცხადა 15 760 ახალი საცხოვრებელი ერთეულის მშენებლობისთვის, მათ შორის აღმოსავლეთ იერუსალიმში „E1“ პროექტის ფარგლებში.

განცხადებაში აღნიშნულია, რომ ისრაელის ქმედებები მიუთითებს კანონმდებლობის ისეთ სისტემაზე გადასვლაზე, რომელიც მიზნად ისახავს ფაქტობრივი მდგომარეობის გადალახვას და ანექსიის დაწესებას. ამასთან დაკავშირებით, საერთაშორისო თანამეგობრობას მოუწოდეს, შეაჩერონ დასახლებების გაფართოების დაფინანსება და მიიღონ საჭირო ზომები დამნაშავეების პასუხისგებაში მისაცემად.