იანვარ-სექტემბრის პერიოდში ექსპორტი გასული წლის ანალოგიურ პერიოდთან შედარებით 5,2%-ით გაიზარდა და 210 მილიარდ 973 მილიონ დოლარამდე ავიდა.

იანვარ-სექტემბრის პერიოდში თურქეთმა მეზობელ ქვეყნებში — აზერბაიჯანში, ბულგარეთში, საქართველოში, ერაყში, ირანში, სირიასა და საბერძნეთში — 20 მილიარდ 931 მილიონ 878 ათასი დოლარის ექსპორტი განახორციელა.

ეს თანხა 2025 წლის იმავე პერიოდში 20 მილიარდ 273 მილიონ 335 ათასი დოლარის დონეზე იყო. ამ ქვეყნებში ექსპორტმა წლიურ ჭრილში 3,2%-იანი ზრდა აჩვენა.

ყველაზე მეტი ექსპორტი ერაყში

თურქეთისთვის ყველაზე მსხვილი მეზობელი საექსპორტო ქვეყანა, დაახლოებით 6,7 მილიარდი დოლარით, ერაყი გახდა. მას მოსდევს ბულგარეთი (3,9 მილიარდი დოლარი), საბერძნეთი (2,6 მილიარდი დოლარი) და საქართველო (2,2 მილიარდი დოლარი).

იანვარ-სექტემბრის პერიოდში წლიურ ჭრილში ექსპორტის ყველაზე მაღალი ზრდა დაფიქსირდა საქართველოში (დაახლოებით 19,6%), სირიაში (19%) და ბულგარეთში (16%).

თურქეთის მიერ მეზობელ ქვეყნებში განხორციელებული ექსპორტის სექტორების მიხედვით განაწილებისას, პირველ ადგილზე „ქიმიური ნივთიერებები და პროდუქტები“-ა.