თურქეთის პრეზიდენტმა რეჯეფ თაიფ ერდოღანმა „ბეშთეფეს“ სახალხო კონგრესისა და კულტურის ცენტრში „2026-2027 სასწავლო წლის გახსნის ცერემონიაზე“ ისაუბრა.
პრეზიდენტმა ერდოღანმა სიტყვით გამოსვლისას განაცხადა:
„მსურს, ახალი აკადემიური წელი ჩვენი უმაღლესი განათლების საზოგადოებისთვის, ჩვენი ქვეყნისა და ერისთვის სასიკეთო იყოს. გულით ვუსურვებ ნაყოფიერ აკადემიურ წელს, სადაც ჩვენი სტუდენტები ახალ ცოდნასა და გამოცდილებას შეიძენენ, ჩვენი ლექტორები ახალი პუბლიკაციებითა და კვლევითი საქმიანობით გამოიჩენენ თავს და ჩვენი უნივერსიტეტები, ღვთის ნებით, ახალ წარმატებებს შემატებენ არსებულს“.
„აკადემიაში გზაზე ყოფნა ხანდახან დანიშნულების ადგილზე მისვლაზე უფრო სასარგებლოა“
„წარსულში უნივერსიტეტების პირველადი მიზანი არსებული ცოდნის გადაცემა იყო. მე-19 საუკუნიდან მოყოლებული, არსებული ცოდნის სწავლების გარდა, კვლევითმა საქმიანობამაც წონა შეიძინა. ანუ, უნივერსიტეტები იქცა კვლევით ინსტიტუტებად, სადაც ცოდნა არა მხოლოდ ისწავლება, არამედ იქმნება კიდეც. დღევანდელი უნივერსიტეტები არიან დაწესებულებები, რომლებიც არსებულ ცოდნას სტუდენტებს გადასცემენ, კვლევითი საქმიანობით ახალ ცოდნას იძენენ და ამ ცოდნას საზოგადოებას უზიარებენ, რითაც პრობლემების გადაჭრაში წვლილი შეაქვთ“.
„უნივერსიტეტების რაოდენობა 76-დან 208-მდე გავზარდეთ“
„როგორც სახელმწიფო, განათლებაში ჩადებულ ყველა ინვესტიციას, არსებითად, ადამიანსა და ჩვენს მომავალში ჩადებულ ინვესტიციად განვიხილავთ. ბოლო 24 წელიწადში, სპეციალურად უმაღლესი განათლების სფეროში, რევოლუციური ნაბიჯები გადავდგით. როდესაც ხელისუფლებაში მოვედით, უნივერსიტეტების რაოდენობა 76 იყო, დღეს ეს რიცხვი 208-ია, საერთო საცხოვრებლების რაოდენობა 190-დან 877-მდე გავზარდეთ“.
„უმაღლესი განათლების პროცესი ანატოლიის ყველა კუთხეში მივიტანეთ“
„ჩვენ უმაღლესი განათლების უაღრესად კვალიფიციური პროცესი ანატოლიის ყველა კუთხეში მივიტანეთ. სახელმწიფო რესურსები მოვახმარეთ იმას, რომ ამ ქვეყნის შვილებს, მიუხედავად მათი შემოსავლის დონისა, განათლების მიღება საკუთარ ქალაქებში შესძლებოდათ. გვინდოდა, რომ სანამ მდიდრის შვილი სწავლობს, ღარიბის შვილი არ დარჩენილიყო უმაღლესი განათლების შესაძლებლობის გარეშე, არ დასჭირვებოდა ოცნებების გადადება და ცხოვრებას 5-0 წაგებით არ იწყებდეს“.
„ქალ აკადემიკოსთა წილმა 47,17 პროცენტს მიაღწია“
„ანალოგიურად, ძალიან მნიშვნელოვნად მიგვაჩნია, რომ ქალებმა, რომელთა მუშაობისა და სწავლის უფლებაც წლების განმავლობაში ირღვეოდა, აკადემიაში კუთვნილი ადგილი დაიკავონ. ამ მხრივ, დიდი კმაყოფილებით აღვნიშნავთ, რომ ჩვენს უნივერსიტეტებში ქალ აკადემიკოსთა წილმა 47,17 პროცენტს მიაღწია“.
„ვართ მსოფლიოში უმაღლესი განათლების ერთ-ერთი ყველაზე ფართო წრის მქონე ქვეყანა“
„როგორც თურქეთი, ჩვენი 6,3 მილიონი სტუდენტით, 208 უნივერსიტეტითა და 190 ათასი აკადემიური პერსონალით, მსოფლიოში უმაღლესი განათლების ერთ-ერთი ყველაზე დიდი ოჯახის მქონე ქვეყანა ვართ. დამოუკიდებელი ორგანიზაციების რეიტინგებს თუ შევხედავთ, სტატიებისა და პუბლიკაციების რაოდენობით 213 ქვეყანას შორის მე-15 ადგილზე ვართ. კერძოდ, ჩვენი კვლევითი უნივერსიტეტების კვალიფიციური პუბლიკაციების წილმა 79%-ით OECD-ის საშუალო მაჩვენებელს მიაღწია“.
„ჩვენი 6 უნივერსიტეტი საუკეთესო 500-ეულში შევიდა“
„საერთაშორისო რეიტინგებში ჩვენი პოზიცია გლობალური მასშტაბით ადასტურებს იმ გზას, რომელიც გავიარეთ. 2026 წელს, ჩვენი 6 უნივერსიტეტი მოხვდა საუკეთესო 500-ეულში, აქედან ორი - საუკეთესო 300-ეულში. საშუალოვადიან პერსპექტივაში მიზნად ვისახავთ, რომ მინიმუმ 2 უნივერსიტეტი მსოფლიოს საუკეთესო 100 უნივერსიტეტს შორის მოხვდეს. დღეს კიდევ ერთხელ ვულოცავ ჩვენს ლექტორებს, რომლებმაც წვლილი შეიტანეს ამ წარმატებებში და ვუსურვებ მათ კიდევ უფრო მეტ წარმატებას“.
„აქვე მინდა აღვნიშნო, რომ ეს ციფრები, უდავოდ, მნიშვნელოვანია, მაგრამ ჩვენთვის არასაკმარისი. ჩვენ არ შეგვიძლია დავუშვათ, რომ კარიერულმა გათვლებს წინ აღუდგეს ცოდნის, კვლევისა და კაცობრიობის საერთო საგანძურისთვის ორიგინალური წვლილის შეტანის სურვილი. ჩვენ ჩვენი ლექტორებისგან ველოდებით ისეთ იდეებს, კონცეფციებს, მოდელებს, სისტემებსა და ტექნიკურ სიახლეებს, რომლებიც ეპოქას ახალ შინაარსს შესძენს. აკადემიის მთავარი მისიაა არა ერთმანეთის გამეორება და მხოლოდ ციტირებებისგან შემდგარი ნაშრომების შექმნა, არამედ ახალი თეზისების, ახალი არგუმენტებისა და ისეთი იდეების წამოყენება, რომლებიც შემოწმებას მოითხოვს“.
„ამ ფიქრებით, კიდევ ერთხელ ვისურვებ 2026-2027 აკადემიური წელი სიკეთის მომტანი ყოფილიყოს“.
