აშშ-ის პრეზიდენტმა ტრამპმა ოვალურ კაბინეტში ჯანდაცვის სექტორთან დაკავშირებით გამართული პრესკონფერენციის შემდეგ მიმდინარე მოვლენებზე ისაუბრა.
ტრამპი ჩინეთის პრეზიდენტ სი ძინპინთან „ძალიან ნაყოფიერი“ შეხვედრის იმედს გამოთქვამს.
ტრამპმა აღნიშნა, რომ 23 სექტემბერს უმასპინძლებს ჩინეთის პრეზიდენტ სი ძინპინს და განაცხადა, რომ მოუთმენლად ელის ამ შეხვედრას.
„ჩვენ ძალიან ნაყოფიერ შეხვედრას გავმართავთ. ჩინეთთან კარგი დამოკიდებულება გვაქვს, ჩვენი ურთიერთობები ძალიან კარგად მიდის. პრეზიდენტ სი ძინპინთან კარგი ურთიერთობა მაკავშირებს“, - განაცხადა ტრამპმა და აღნიშნა, რომ ამ ქვეყანასთან მოლაპარაკებებს გამართავენ არა მხოლოდ ხელოვნური ინტელექტის, არამედ მრავალ სხვა საკითხზე.
მნიშვნელოვანი საკითხები
ტრამპმა, რომელმაც აღნიშნა, რომ ჩინეთს მაღალი საბაჟო გადასახადები დაუწესა, მინიშნება გააკეთა, რომ ორი ქვეყნის სავაჭრო ტარიფების საკითხი მოლაპარაკებების ერთ-ერთი მთავარი თემა იქნება.
მეორე მხრივ, როდესაც ერთ-ერთმა ჟურნალისტმა ტრამპს ჰკითხა იმ აკრძალვის შესახებ, რომელიც მან სამ ამერიკულ მედიასაშუალებას თეთრ სახლში დაუწესა, და დასძინა: „ჩინეთი მსოფლიოში ჟურნალისტებზე ყველაზე მეტად მწნეხელი ქვეყნებიდან ერთ-ერთია. თქვენი ეს გადაწყვეტილება რა მესიჯს აგზავნის?“, ტრამპმა უპასუხა: „ჩვენც ვახდენთ ზეწოლას. ჩვენთან ყალბი ამბების მედია არსებობს“.
მოგვიანებით ტრამპმა თავისი სიტყვები შეასწორა: „ჩვენ ზეწოლას არ ვახდენთ, უბრალოდ ჩვენთან ყალბი ამბების მედია არსებობს“.
