აშშ-ის კონგრესის შუალედური არჩევნების არაოფიციალური შედეგების მიხედვით, დემოკრატებმა სენატში უმრავლესობა მოიპოვეს და 51 ადგილს მიაღწიეს.
სააგენტო Associated Press-ის (AP) არაოფიციალური შედეგების მიხედვით, სენატში ადგილების გადანაწილება მეტწილად გაირკვა.
ამ შედეგების მიხედვით, დემოკრატებმა 51 ადგილს მიაღწიეს და კონგრესის ზედა პალატაში — სენატში უმრავლესობა რესპუბლიკელებისგან დაიბრუნეს.
დემოკრატებმა მნიშვნელოვან წარმატებას მიაღწიეს ჩრდილოეთ კაროლინის, სამხრეთ კაროლინის, ტექსასის, ოჰაიოს, კანზასისა და აიოვას შტატებში სენატის ადგილების რესპუბლიკელებისგან დაბრუნებით.
100-ადგილიან სენატში 51 ადგილის მოპოვებითა და იქ უმრავლესობის ხელში ჩაგდებით, დემოკრატებმა რესპუბლიკელი აშშ-ის პრეზიდენტის, დონალდ ტრამპის წინააღმდეგ საკანონმდებლო ხელისუფლების კონტროლის თვალსაზრისით კვლავ მნიშვნელოვანი უპირატესობა მოიპოვეს.
წარმომადგენელთა პალატის არჩევნებშიც დემოკრატებმა 173, ხოლო რესპუბლიკელებმა 106 ადგილი მოიპოვეს.
სააგენტო Associated Press-ის (AP) არაოფიციალური შედეგების მიხედვით, წარმომადგენელთა პალატაში დემოკრატებმა ამ დრომდე 173, ხოლო რესპუბლიკელებმა 106 ადგილი მიიღეს.
რესპუბლიკელების 9 ადგილი დემოკრატების ხელში გადავიდა.
პარტიამ უმრავლესობის მოსაპოვებლად სულ მცირე 218 ადგილს უნდა მიაღწიოს.
აშშ-ის შუალედური არჩევნები
აშშ-ის მოსახლეობა საკუთარ შტატებში გუბერნატორისა და სხვა ადგილობრივი თანამდებობების გარდა, კონგრესის წარმომადგენელთა პალატის ყველა — 435 ადგილისა და სენატის 100 ადგილიდან 35 ადგილისთვის მივიდა საარჩევნო ყუთებთან.
აშშ-ის საარჩევნო სისტემაში 435-ადგილიანი წარმომადგენელთა პალატის ყველა წევრი ორ წელიწადში ერთხელ გადის არჩევნებზე — ერთხელ საყოველთაო არჩევნებში, როდესაც აშშ-ის პრეზიდენტს ირჩევენ, მეორედ კი შუალედურ არჩევნებში.
კონგრესის 100-წევრიან სენატშიც 6 წლის ვადით არჩეული სენატორების ერთი მესამედი ყოველ ორ წელიწადში ერთხელ არჩევნებით ახლდება.
აშშ-ის წარმომადგენელთა პალატაში უმრავლესობის მოსაპოვებლად საჭიროა 218, ხოლო სენატში 51 ადგილი.
