ირანის გენერალური შტაბის უფროსმა, გენერალ-მაიორმა ალი აბდოლაჰიმ ყურის ქვეყნები გააფრთხილა, არ დაუჭირონ მხარი აშშ-ის შესაძლო სამხედრო აქტივობებს ირანის წინააღმდეგ.
გენერალური შტაბის მიერ გავრცელებული განცხადების თანახმად, აბდოლაჰიმ აღნიშნა, რომ მიუხედავად სპარსეთის ყურის სამხრეთ სანაპიროს ქვეყნების განცხადებებისა, რომ ისინი არ დაუშვებენ თავიანთი ტერიტორიების გამოყენებას აშშ-ის მიერ ირანის წინააღმდეგ, რეგიონში მოვლენების განვითარებას მაინც ყურადღებით აკვირდებიან.
აბდოლაჰიმ განაცხადა, რომ რეგიონის სამხედრო ბაზებზე აშშ-ის მრავალი სამხედრო თვითმფრინავის, განსაკუთრებით კი ჰაერში საწვავით გასამართი თვითმფრინავების არსებობა, შეუძლებელია მასპინძელი ქვეყნების ინფორმირებულობის გარეშე ხდებოდეს.
აშშ-ისთვის შესაძლო მხარდაჭერის თაობაზე რეგიონის ქვეყნების გაფრთხილებისას, აბდოლაჰიმ გამოიყენა ფრაზა: „აშშ-ის აგრესიული არმიის ნებისმიერი სახის დახმარება და ხელშეწყობა ამერიკულ სამხედრო ძალებთან თანამშრომლობას ნიშნავს“.
აბდოლაჰიმ ხაზგასმით აღნიშნა, რომ რეგიონის ქვეყნებმა არავითარ შემთხვევაში არ უნდა აღმოუჩინონ მხარდაჭერა აშშ-ს ირანის წინააღმდეგ შესაძლო სამხედრო ოპერაციებში.
