თურქეთის ეროვნულმა თავდაცვის სამინისტრომ (MSB) განაცხადა, რომ სამხედრო-საჰაერო ძალების სარდლობის სხვადასხვა ბაზიდან აფრენილი თვითმფრინავებით კუნძულ კვიპროსის სამხრეთითა და ხმელთაშუა ზღვაზე საწვრთნელი ფრენა განხორციელდა.
სამინისტროს სოციალურ ქსელში გამოქვეყნებულ განცხადებაში ნათქვამია:
„ფოლადის ფრთები ხმელთაშუა ზღვის ცაზე... ჩვენი ქვეყნის უფლებებისა და ინტერესების დაცვის, ოპერატიული შესაძლებლობების გაუმჯობესებისა და ჩვენი ქვედანაყოფების მზადყოფნის უმაღლეს დონეზე შენარჩუნებისკენ მიმართული საქმიანობა გადამწყვეტად გრძელდება. ამ ფარგლებში, ჩვენი სამხედრო-საჰაერო ძალების სარდლობის სხვადასხვა ბაზიდან აფრენილი საბრძოლო და დამხმარე თვითმფრინავების მონაწილეობით, კუნძულ კვიპროსის სამხრეთითა და ხმელთაშუა ზღვის საერთაშორისო საჰაერო სივრცეში მასშტაბური საწვრთნელი ფრენა წარმატებით განხორციელდა“.
