ჩეხეთის უსაფრთხოების საინფორმაციო სამსახურის (BIS) ხელმძღვანელმა, მიხალ კოუდელკამ გააფრთხილა, რომ რუსეთმა შესაძლოა მომდევნო თვეებში NATO-ს ქვეყნების წინააღმდეგ ოპერაციები გაააქტიუროს.
Radio Prague International-ის ცნობით, კოუდელკამ დეპუტატთა პალატაში გამართულ კონფერენციაზე NATO-ს წინაშე არსებულ საფრთხეებთან დაკავშირებით ისაუბრა.
კოუდელკამ აღნიშნა, რომ რუსეთი ახორციელებს ისეთ საქმიანობას, რომელიც მიზნად ისახავს „დასავლური დემოკრატიების, მათ შორის ჩეხეთის, შიგნიდან დასუსტებას“ და განსაკუთრებით ისეთი ორგანიზაციების „ერთიანობის შერყევას“, როგორიცაა NATO და ევროკავშირი (EU).
კოუდელკას განცხადებით, რუსეთმა შესაძლოა მომდევნო თვეებში NATO-ს ქვეყნების წინააღმდეგ ოპერაციები გააძლიეროს. მან აღნიშნა, რომ შესაძლო ოპერაციებს შორის შეიძლება იყოს დივერსია უკრაინის მხარდამჭერი ობიექტების წინააღმდეგ, უპილოტო საფრენი აპარატებით თავდასხმები იარაღის საწყობებზე და, ყველაზე უკიდურეს სცენარში, NATO-ს რომელიმე ქვეყნის წინააღმდეგ შეზღუდული სამხედრო ოპერაციაც კი.
