ლავროვი დედაქალაქ მოსკოვში, მოსკოვის საერთაშორისო ურთიერთობების სახელმწიფო ინსტიტუტის (MGIMO) პროფესორ-მასწავლებლებსა და სტუდენტებს შეხვდა.

შეხვედრაზე სიტყვით გამოსვლისას ლავროვმა გერმანიის გადაწყვეტილება ასე შეაფასა: „ეს გერმანელების მიერ მიღებული ამაზრზენი გადაწყვეტილებაა. მათ ბონში ჩვენი გენერალური საკონსულო უსაფუძვლო საბაბით დახურეს“.

უკრაინის კრიზისზე საუბრისას ლავროვმა აღნიშნა: „უკრაინაში კონფლიქტი ისე უნდა დასრულდეს, რომ ევროპაში ნაციზმის ადგილი აღარ დარჩეს. თუ უკრაინაში არსებულ რეჟიმს ხელისუფლებაში დარჩენის საშუალებას მივცემთ, ვუღალატებთ მათ, ვინც 1945 წელს ნაციზმი დაამარცხა“.

ლავროვმა ხაზგასმით აღნიშნა, რომ ისინი მზად არიან დასავლეთის ქვეყნებთან ურთიერთობისთვის, თუმცა ეს ურთიერთობები აღარ იქნება ისეთი, როგორიც ადრე იყო: „დასავლეთის მიმართ, რომელიც წარსულშიც და ახლაც გვატყუებს, ნდობა აღარასოდეს გვექნება“.

ვითარება ირანში

ლავროვმა განაცხადა, რომ აშშ და ისრაელი ახლო აღმოსავლეთის უსაფრთხოების საკითხებზე კონსულტაციებში უნდა იყვნენ ჩართულნი: „ირანის ჩართვა სპარსეთის ყურის რეგიონის უსაფრთხოების სისტემაში რეგიონში სტაბილურობის უზრუნველყოფისკენ გადადგმული მნიშვნელოვანი ნაბიჯი იქნება“.

მინისტრმა ლავროვმა ასევე აღნიშნა, რომ ირანში არსებული ვითარების გამო პროექტი „ჩრდილოეთ-სამხრეთის სატრანსპორტო დერეფანი“ შენელდა: „თუმცა პროექტი კვლავ ჩვენს გეგმებშია და ის განხორციელდება“, - განაცხადა მან.