ირანის საგარეო საქმეთა მინისტრის მოადგილემ, ქაზიმ ღარიბაბადიმ ჰორმუზის სრუტეში გადაადგილების რეგულაციებთან დაკავშირებით განაცხადა, რომ „ომანთან ჰორმუზის სრუტისთვის საჭირო შეთანხმებას მიაღწიეს“.
ირანულ მედიაში გავრცელებული ინფორმაციის თანახმად, ღარიბაბადიმ რუსულ საინფორმაციო სააგენტო „რია ნოვოსტისთან“ ჰორმუზის სრუტეში არსებულ ვითარებასთან დაკავშირებით კომენტარი გააკეთა.
„ომანთან ჰორმუზის სრუტისთვის საჭირო შეთანხმებას მივაღწიეთ“, — განაცხადა ღარიბაბადიმ და აღნიშნა, რომ პირობების დაკმაყოფილების შემთხვევაში, მის ქვეყანასა და ომანს საერთაშორისო საზღვაო ორგანიზაციაში დარეგისტრირება შეეძლებათ.
ღარიბაბადიმ ხაზი გაუსვა, რომ საერთაშორისო საზღვაო ორგანიზაციაში დარეგისტრირება ჰორმუზის სრუტის გახსნას არ ნიშნავს და დასძინა, რომ სრუტე იმ შემთხვევაში გაიხსნება, თუ აშშ თავის ვალდებულებებს შეასრულებს.
