საფრანგეთის პრეზიდენტმა ემანუელ მაკრონმა განაცხადა, რომ მათ ხელი მოაწერეს შეთანხმებას უკრაინისთვის საჰაერო თავდაცვის სისტემების მიწოდების შესახებ, რომლის ინფრასტრუქტურაც რუსეთის სამიზნე გახდა.
ემანუელ მაკრონმა სოციალურ ქსელ X-ში გამოქვეყნებულ განცხადებაში აღნიშნა, რომ გაეროს 81-ე გენერალური ასამბლეის ფარგლებში უკრაინის პრეზიდენტ ვოლოდიმირ ზელენსკისთან „ინტენსიური შეხვედრა“ გამართა.
მაკრონმა ყურადღება გაამახვილა იმაზე, რომ უკრაინის ენერგეტიკულ ინფრასტრუქტურაზე რუსეთის თავდასხმებმა მილიონობით უკრაინელი ელექტროენერგიისა და გათბობის გარეშე დატოვა, და აღნიშნა, რომ საფრანგეთი უკრაინის გვერდით იქნება, რათა მან ზამთარი გადაიტანოს.
მაკრონმა ასევე განაცხადა, რომ ზელენსკისთან ერთად ხელი მოაწერეს შეთანხმებას უკრაინისთვის რადარებისა და საჰაერო თავდაცვის სისტემების მიწოდების შესახებ.
მაკრონმა აღნიშნა, რომ უკრაინის მხარდაჭერის საკითხი აშშ-ის პრეზიდენტ დონალდ ტრამპთანაც განიხილა და ენერგეტიკული უსაფრთხოებისთვის შავ ზღვაში სიმშვიდის უზრუნველყოფისკენ მოუწოდა.
მაკრონმა, რომელიც გაეროს 81-ე გენერალურ ასამბლეაში მონაწილეობის მისაღებად ნიუ-იორკში იმყოფება, აშშ-ის პრეზიდენტ ტრამპთანაც გამართა შეხვედრა და აღნიშნა, რომ ეს შეხვედრა საკმაოდ ნაყოფიერი იყო.
