პრეზიდენტის ადმინისტრაციის კომუნიკაციების დეპარტამენტის ხელმძღვანელმა ბურჰანეთინ დურანმა განაცხადა: „ჩვენი ახალგაზრდების შეუპოვრობა, შრომისმოყვარეობა და საკუთარი ქვეყნისადმი ერთგულება ძლიერი და დიდი თურქეთის მიზნის ერთ-ერთი უმნიშვნელოვანესი დასაყრდენია. მათ მიერ მეცნიერებაში, ტექნოლოგიაში, სპორტსა და ცხოვრების ყველა სფეროში მიღწეული წარმატებები კიდევ უფრო ზრდის ჩვენს იმედებს მომავლის მიმართ“.
დურანმა სოციალურ ქსელში 19 მაისს, ათათურქის ხსოვნის, ახალგაზრდობისა და სპორტის დღესთან დაკავშირებით მისალოცი გზავნილი გამოაქვეყნა.
დურანმა ხაზგასმით აღნიშნა, რომ 19 მაისი არის ერის მიერ დამოუკიდებლობისთვის გამოჩენილი სიმტკიცის, რწმენისა და ხელახალი აღზევების სიმბოლო, და თავის გზავნილში თქვა:
„სამსუნში დანთებული დამოუკიდებლობის ჩირაღდანი, ჩვენი ერის ერთიანი ნებით, მოკლე დროში დამოუკიდებლობისთვის ბრძოლის უძლიერეს სიმბოლოდ იქცა. ჩვენი ახალგაზრდების შეუპოვრობა, შრომისმოყვარეობა და საკუთარი ქვეყნისადმი ერთგულება ძლიერი და დიდი თურქეთის მიზნის ერთ-ერთი უმნიშვნელოვანესი დასაყრდენია. მათ მიერ მეცნიერებაში, ტექნოლოგიაში, სპორტსა და ცხოვრების ყველა სფეროში მიღწეული წარმატებები კიდევ უფრო ზრდის ჩვენს იმედებს მომავლის მიმართ. პატივს მივაგებ და მოვიხსენიებ ჩვენი ეროვნულ-განმათავისუფლებელი ბრძოლის ყველა გმირს გაზი მუსტაფა ქემალ ათათურქის თაოსნობით; გილოცავთ 19 მაისს, ათათურქის ხსოვნის, ახალგაზრდობისა და სპორტის დღეს“.
