აშშ-ის სახელმწიფო მდივანმა მარკო რუბიომ სამშაბათს განაცხადა, რომ იმედოვნებს აზერბაიჯანსა და სომხეთს შორის სამშვიდობო შეთანხმების უახლოეს მომავალში დადებას, თუმცა სხვა დეტალები არ დაუკონკრეტებია.
თეთრ სახლში ტრამპის კაბინეტთან შეხვედრისას, რუბიომ აშშ-ის პრეზიდენტ დონალდ ტრამპის საგარეო პოლიტიკურ წარმატებებს შორის აღნიშნა: "იმედია, ძალიან მალე გვექნება სამშვიდობო შეთანხმება აზერბაიჯანსა და სომხეთს შორის".
ორ ყოფილ საბჭოთა რესპუბლიკას შორის ურთიერთობები დაიძაბა 1991 წელს, როდესაც სომხეთის არმიამ მოახდინა მთიანი ყარაბაღის და მის გარშემო არსებული შვიდი რეგიონის ოკუპაცია, რომელიც საერთაშორისოდ აზერბაიჯანის ნაწილად არის აღიარებული.
ამ ტერიტორიების დიდი ნაწილი აზერბაიჯანმა 2020 წლის შემოდგომაზე 44-დღიანი ომის დროს გაათავისუფლა. ომი რუსეთის შუამავლობით დადებული სამშვიდობო შეთანხმებით დასრულდა, რამაც გზა გახსნა ნორმალიზაციისა და საზღვრების დელიმიტაციის მოლაპარაკებებისკენ.
2023 წლის სექტემბერში აზერბაიჯანმა სრული სუვერენიტეტი მოიპოვა ყარაბაღზე, რეგიონში სეპარატისტული ძალების დანებების შემდეგ.
