2026 წლის ფიფას მსოფლიო ჩემპიონატის D ჯგუფში ავსტრალიასთან 0:2 მარცხის შემდეგ, თურქეთის ეროვნული ნაკრების ფეხბურთელმა აბდულქერიმ ბარდაქჯიმ განაცხადა, რომ დარჩენილ ორ მატჩს მოიგებენ და ასპარეზობას გააგრძელებენ.

BC Place-ის სტადიონზე გამართული მატჩის შემდეგ, შერეულ ზონაში მედიის წარმომადგენლებთან საუბრისას, აბდულქერიმ ბარდაქჯიმ აღნიშნა, რომ თამაშს აკონტროლებდნენ.

გამოცდილმა მოთამაშემ ხაზგასმით აღნიშნა, რომ გოლები კონტრშეტევებიდან გაუშვეს:

„ვემზადებოდით, მაგრამ გოლი სწორედ იქიდან გავუშვით, რაზეც ნამუშევარი გვქონდა. თუმცა, ფეხბურთში ასეთი რამ ხდება. ძალიან კარგი გუნდი ვართ, ბევრი ნიჭიერი მოთამაშე გვყავს. მომდევნო ორ მატჩს მოვიგებთ და გზას გავაგრძელებთ, იმედია. გასახდელში განსაკუთრებული არაფერი ხდება, ყველა ძალიან დამწუხრებულია. ვფიქრობ, ცუდად არ გვითამაშია, უბრალოდ გოლი ვერ გავიტანეთ. თავდაჯერებულობა არ დაგვიკარგავს. მომდევნო ორ მატჩში გავიმარჯვებთ და წინ წავალთ“.

აბდულქერიმ ბარდაქჯიმ დასძინა, რომ მეტოქე ძირითადად დაცვაში იყო ჩაკეტილი: „დღეს მათ მხოლოდ 10 წუთი ითამაშეს. ეს ფეხბურთის ნაწილია. გზას უფრო გაძლიერებულები გავაგრძელებთ“.