აშშ-ის თავდაცვის მინისტრმა პიტ ჰეგსეტმა განაცხადა, რომ აშშ-ის არმიას საჭიროების შემთხვევაში ირანზე თავდასხმების განახლება შეუძლია.

გაზეთ „The Hill“-ის ინფორმაციით, ჰეგსეტმა ვისკონსინის შტატში მდებარე სამხედრო ბაზაზე ვიზიტის შემდეგ მედიის წარმომადგენლებთან ირანის საკითხზე განცხადებები გააკეთა.

ჰეგსეტმა აღნიშნა: „თუ კინეტიკური დარტყმების გამოყენება დაგვჭირდება, გამოვიყენებთ. თუ ირანი თავის ხელთ არსებულ ბერკეტებს გადაამეტებს ან ამერიკულ არმიასთან დაიჭერს საქმეს, ჩვენ გავაკეთებთ იმას, რაც საჭიროა.“

ჰეგსეტის მტკიცებით, ამჟამად ირანისთვის „ყველაზე დიდი ზიანის მომტანი“ ეკონომიკური ზეწოლაა, და განაცხადა, რომ ჰორმუზის სრუტეს აშშ აკონტროლებს.

პიტ ჰეგსეტმა თქვა: „ირანი (ჰორმუზის სრუტიდან) ვერაფერს ატარებს. ჩვენ შეგვიძლია. მსოფლიო ეკონომიკა ამას აცნობიერებს და ამიტომ მათ დიდი ფსონი დადეს სრუტის გაკონტროლებაზე, მაგრამ ეს ვერ შეძლეს.“