ისრაელის არმია ამტკიცებს, რომ ღაზის ჩრდილოეთით განხორციელებული თავდასხმისას მუჰამედ ავდე მოკლა და აცხადებს, რომ ავდე ჰამასის შეიარაღებული ფრთის ახალ მეთაურად იყო არჩეული.
ოთხშაბათს გაკეთებული განცხადება მოჰყვა ისრაელის მიერ ყურბან-ბაირამის წინა დღეს ქალაქ ღაზის ცენტრში მდებარე მჭიდროდ დასახლებული რაიონის მძიმე დაბომბვას. ჯანდაცვის წყაროების თანახმად, თავდასხმის შედეგად ერთი პალესტინელი ქალი დაიღუპა, სხვები კი დაიჭრნენ.
ჰამასს ან მის შეიარაღებულ ფრთას, კასამის ბრიგადებს, ისრაელის ბრალდებასთან დაკავშირებით ჯერჯერობით განცხადება არ გაუკეთებიათ.
ბენიამინ ნეთანიაჰუ და თავდაცვის მინისტრი ისრაელ კაცი სამშაბათს ასევე ამტკიცებდნენ, რომ არმიამ ქალაქ ღაზაზე განხორციელებული საჰაერო თავდასხმისას ავდე ამოიღო მიზანში.
ისრაელის ეს განცხადებები იმ დროს გავრცელდა, როდესაც იზრდება ისრაელელი ანალიტიკოსებისა და ოპოზიციური ფიგურების გაფრთხილებები იმის შესახებ, რომ ქნესეთის დაშლისა და ვადამდელი არჩევნების შესაძლებლობის ფონზე, ნეთანიაჰუმ, საარჩევნო გათვლებით, შესაძლოა ღაზაში სიტუაციის კიდევ უფრო გამწვავება სცადოს.
ისრაელმა 2023 წლის ოქტომბრიდან მოყოლებული, ორი წლის განმავლობაში მიმდინარე სასტიკი თავდასხმებისას 72 ათასზე მეტი ადამიანი მოკლა, 172 ათასზე მეტი კი დაჭრა და გამოიწვია მასშტაბური ნგრევა, რომელმაც გასულ ოქტომბერში ცეცხლის შეწყვეტის გამოცხადებამდე სამოქალაქო ინფრასტრუქტურის 90 პროცენტი მოიცვა.
