საბერძნეთის დედაქალაქმა, ათენმა, პალესტინის მხარდამჭერ აქციებს უმასპინძლა. აქციის მონაწილეები სკანდირებდნენ ლოზუნგებს იმის შესახებ, რომ საბერძნეთის მთავრობა, ისრაელის მხარდაჭერით, გენოციდის თანამონაწილე ხდება.
მონასტირაკის მოედანზე შეკრებილი ათასობით ადამიანი მოგვიანებით, ლოზუნგების თანხლებით, სინტაგმის მოედნისკენ დაიძრა.
პალესტინის თავისუფლებისთვის მიტინგები საბერძნეთის ბევრ კუნძულზეც ჩატარდა. საერთო ჯამში, 106 სხვადასხვა წერტილში გამართულ აქციებზე საბერძნეთის მთავრობის პროისრაელური პოლიტიკა გააპროტესტეს.
მეორე მხრივ, პალესტინის მხარდამჭერი პროტესტების გამო, ისრაელმა საბერძნეთში მყოფ თავის მოქალაქეებს სიფრთხილისკენ მოუწოდა. ისრაელის საგარეო საქმეთა სამინისტრომ ისრაელელებს ურჩია, „ზედმეტი ყურადღება არ მიიქციონ და მოერიდონ ისეთ ვითარებებს, რომლებმაც შეიძლება მათი იდენტობა გამოამჟღავნოს“.
