სამინისტროს სოციალურ ქსელში გავრცელებულ განცხადებაში აღნიშნულია, რომ სამხედრო-საჰაერო ძალების სარდლობის 181-ე გამანადგურებელმა ესკადრილიამ 29 ივლისს ესტონეთის ამარის საჰაერო ბაზაზე გადასროლა დაასრულა.

განცხადებაში ნათქვამია, რომ ესკადრილიამ 30-31 ივლისს ადგილმდებარეობის გასაცნობი ფრენები განახორციელა, დაგეგმილი ბრიფინგები და მოსამზადებელი სამუშაოები კი დასრულდა:

„31 ივლისს ესტონეთის მიერ ორგანიზებულ უფლებამოსილების გადაცემის ცერემონიას ესწრებოდნენ ნატო-ს წარმომადგენელი (HQ AIRCOM-ის საჰაერო სარდლობისა და კონტროლის ხელმძღვანელი), პოლკოვნიკი კიტ დ. მაკი, ესტონეთის თავდაცვის მინისტრი ჰანო პევკური, პორტუგალიის ეროვნული თავდაცვის მინისტრი ჟოაო ნუნო დე ლასერდა ტეიშეირა დე მელო, თურქეთის წარმომადგენელი, ელჩი ტალინში ბაშაქ თურქოღლუ და სამხედრო-საჰაერო ძალების სარდლობის პერსონალი. 181-ე გამანადგურებელმა ესკადრილიამ 2026 წლის 1 აგვისტოს, 09:00 საათისთვის, ნატო-ს გაძლიერებული საჰაერო პატრულირების 72-ე ბლოკის მორიგეობა გადაიბარა. მისიის განმავლობაში განხორციელდება 24/7-ზე რეაგირების მორიგეობა და ნატო-სა და ესტონეთის სამხედრო-საჰაერო ძალებთან ერთად შესრულდება ერთობლივი დავალებები“.